माओवादीया मुँज्या हानं स्थगित

छक्वः पतिकं स्थगित जुया वयाच्वंगु माओवादी केन्द्रीय समितिया मुँज्या हाकनं स्थगित जूगु दु । शुक्रवाः निसें न्ह्याइगु धयातःगु मुँज्या आः पुष ८ गते तकया निंतिं स्थगित याःगु दु । थ्वस्वयां न्ह्यः असोजय् च्वने धयातःगु मुँज्या कार्तिक १७, वयां लिपा २७ गते, मंसिर १६ गतेया निंतिं स्थगित याःगु खः । बिहीवाः नं एसएमएस पाखें मुँज्या स्थगित जूगु जानकारी वःगु खँ केन्द्रीय दुज पवनमान श्रेष्ठं धयादिल । मुँज्याय् वरिष्ठ न्वकु मोहन वैद्यं न्ह्यब्वःगु झिंस्वंगु बुँदे एजेण्डाय् सहलह जुइगु ज्याझ्वः दु । तर असोजनिसें च्वने मफयाच्वंगु माओवादी केन्द्रीय समितिया मुँज्या बागु दर्जन स्वयां अप्व ई क्वःछिइधुंकाः स्थगित जुइगु यानाच्वंगु दु ।