एसपी खरेलयात घुस नकेत स्वःपिंत न्हय्न्हु कुनेत आदेश

एसपी रमेश खरेल महानगरीय प्रहरी परिसर प्रमुख जूगु इलय् नीन्याद्वः तका घुस बिइत वंपिं सुनिलकुमार श्रेष्ठ व कृष्णप्रसाद जतीयात विशेष अदालतं दोषी ठहर याःगु दु । निम्हसित नं न्हय्न्हुया जेल सजाय व नीन्याद्वः तका थप जरीवाना कायेत अदालतं आदेश बिउगु दु । प्रहरीइ थः मनूतय्त भर्ना याकेत सिफारिसया निंतिं घुस बिइत वंपिं निम्हसित नं घुसया धेबा लिसे कारबाही याःगु खः । विशेष अदालतया नायः गौरीबहादुर कार्की व दुजःपिं ओमप्रकाश मिश्र व केदारप्रसाद चालिसेया इजलासं थज्याःगु निर्णय न्यंकूगु खः । भ्रष्टाचार निवारण ऐन २०५९ कथं थज्याःगु सजाँय क्वःछिनातःगु दु । उमिसं २०६७ असोज १३ गते खरेलयात घुस नकेत स्वःगु खः ।