आर्थिक अनियमितताया द्वपं आधारहीन : सिंचाई मन्त्री
सिंचाई मन्त्री महेन्द्र यादवं थःयात लानाच्वंगु आर्थिक अनियमितताया द्वपं निराधार जूगु दावी यानादीगु दु ।
बुधवाः येँय् ग्वसाःग्वःगु छगू साक्षात्कार ज्याझ्वलय् न्ववानादिसें वय्कलं कार्तिक मसान्त तकया दुने हे गुइखुगू प्रतिशत योजना स्वीकृत जूगु व बजेट निकासा जुइधुंकूगु धयादिल । छुं छुं आयोजनाया सन्दर्भय् क्वय्या तहपाखें हे फारम मवःगुलिं योजना न्ह्यःने न्ह्यायेमफुगु दावी वय्कलं यानादिल ।
सचिव व डीजी स्तरपाखें जुइगु निर्णयलय् अनाहकय् हे थःत म्वाःमदुगु द्वपनय् लाकूगु धयादिसें वय्कलं आयोजनाया ज्या नापं सचिव व डीजीं स्वयाच्वंगुलिं थःत उगु विषयलय् छु नं जानकारी मदुगु धयादिल ।
मन्त्री यादवयात कमिसन मदयाः अपालं योजनात स्वीकृत यायेत आनाकानी याःगु द्वपं लाःगु खः ।
