ट्रकया ठक्करं स्वम्ह सित
पूर्व-पश्चिम राजमार्गस्थित धनुषाया पुष्पलपुरय् बुधवाः न्हिनय् ट्रकया ठक्करपाखें न्यासि वनाच्वंपिं स्वम्ह लँजुवात सीगु दु । ना. ३. ख. ५६११ नम्बरया ट्रकया ठक्करपाखें पुष्पलपुर-८या अन्दाजी न्यय्न्यादँया अष्टबहादुर श्रेष्ठ, खुदँया सीमा घिसिङ व च्यादँया रीमा घिसिङपिं सीगु ख । ट्रकया ठक्करपाखें अष्टबहादुर व सीमाया घट्नास्थलय् हे व रीमाया जनकपुर अञ्चल अस्पताल यंकाच्वंगु इलय् लँय् सीगु जानकारी प्रहरीं बिउगु दु । उगु ट्रकया ठक्करपाखें घाःपाः जुम्ह च्यादँया रोशन श्रेष्ठया विराटनगरस्थित न्युरो अस्पतालय् वासः जुयाच्वंगु दु । दुर्घटनालिपा आक्रोशित स्थानीय बासीं छुं ई राजमार्गय् नापं पंग थनेगु ज्या याःगु खः ।
