विरामी उद्दार याःवंगु हेलिकप्टर दुर्घटना / चालक व यात्रु सकुशल
सोलुखुम्बुपाखें विरामी ज्वनाः येँय् वयेत्यंगु फिस्टेल एयरया ९ एन एआइके कल साइन हेलिकप्टर सोलुखुम्बुया लोभुचेय् दुर्घटना जूगु दु । दुर्घटनाय् लानाः हेलिकप्टर चालक व बिरामी अष्ट्रेलियन नागरिक सकुशल दुगु खँ धाःगु दु । लोभुचें ब्वयेत्यंगु इलय् हे दुर्घटना जूगुलिं हेलिकप्टरय् आपालं क्षति मजूसां न्ह्यःनेया ब्वःय् छुं क्षति जूगु दु । अष्ट्रेलियन नागरिक बिरामी जूगुलिं वयात उद्दार यायेत क्याप्टेन दीपक राना फिस्टेल हेलिकप्टर ज्वनाः सोलुखुम्बुइ थ्यंकादीगु खः ।
