राज्य पुनर्संरचना आयोगं ८ हप्ताया ज्या धलः दयेकल
निलाया ई बियातःगु राज्य पुनर्संरचना सुझाव उच्चस्तरी आयोगं आन्तरिक कार्यविधि पारित याःगु दु । सोमवाः च्वंगु आयोगया मुँज्यां कार्यविधि पारित यायेगु नापं ८ हप्ताया ज्या धलः नं दयेकूगु दु ।
मुँज्या लिपा आयोगया प्रवक्ता कृष्ण हाछेथुं आयोगं छु नं जातीय संगठन नापं राजनीतिक दलया प्रभावय् मलासें ज्या न्ह्यःने न्ह्याकेगु निर्णय नं याःगु जानकारी बियादिल ।
आयोगं थःपिनिगु निर्णय सर्वसम्मतं पारित यायेगु व अथे सम्भव मजूसाः बहुमतया आधारय् पारित यायेगु नं क्वःछिउगु दु । आयोगया मुँज्या म्होतिं हप्ताय् छक्वः सोमवाः कुन्हु च्वनीगु व मेमेगू दिं आवश्यक्ता कथं च्वनीगु नं निर्णय याःगु दु ।
