बन्दयात प्रेस दबूया समर्थन
येँ (सन्ध्या टाइम्स) / नेवाः स्वायत्त राज्य दयेमाःगु माग यासें नेवाः स्वायत्त राज्य मंकाः संघर्ष समितिं थ्वहे वइगु जेठ १८ गते सोमवाः कुन्हु आह्वान याःगु नेपालमण्डल बन्दयात नेवाः प्रेस दबुलिं समर्थन यायेगु लिसें सक्रिय सहभागी जुइगु निर्णय याःगु दु ।
प्रेस दबूया अध्यक्ष नरेन्द्र श्रेष्ठ व सचिव विनोद रंजितं हस्ताक्षर यानाः जारी याःगु उगु प्रेस विज्ञप्तिइ जेठ १८ नेवाःतय् शक्ति क्यनेगु न्हि नं जूगुलिं सकसितं ब्वति कायेत नं इनाप यानातःगु दु ।
अथे हे प्रेस विज्ञप्तिइ न्हूगु राजनीतिक परिवेशय् आः नेवाःतय्सं थःगु राज्य निंतिं मंकाः सः थ्वयेकेमाःगु धासें नेवाःत छप्पँ जुयाः माग पूमवंतले बिना सम्झौता संघर्ष यायेत नं इनाप याःगु दु ।
