व्यवस्थापिका संसदया मुँज्या सुचं तिकाः स्थगित

व्यवस्थापिका संसदया आइतवाः च्वने धयातःगु मुँज्या सुचं तिकाः स्थगित जूगु दु । संविधानसभाया ई तनेगु बारे स्वंगू प्रमुख दल दथुइ कार्यदल दयेकूगुलिं उकिं यायेमाःगु तयारी पूवंकेगु निंतिं मुँज्या स्थगित याःगु खः । आइतवाः सुथय् जक प्रमुख स्वंगू दल व मधेशी मोर्चाया मुँज्यां संविधानसभाया ई तनेगु बारे छगू निष्कर्षय् थ्यंकेत कार्यदल नीस्वंगु खः । व्यवस्थापिका संसदया मेगू मुँज्या मंसिर १३ गते न्हिनय् ३ बजे च्वनीगु ज्याझ्वः दु । संविधान सभाया ई थ्वहे मंसिर १४ गते क्वचायेत्यंगु दु ।