थौं राज्यपुनर्संरचना आयोगया न्हापांगु मुँज्या
देय्यात गयाःगु संघीयताय् यंकेगु धइगु बारे सुझाव बिइत नीस्वंगु राज्यपुनर्संरचना आयोगया न्हापांगु मुँज्या थौं न्हिनसिया ३ बजे च्वनेत्यंगु दु । यलया नेपाल प्रशासनिक प्रतिष्ठान स्टाफ कलेजय् थःगु ज्याकूथीइ न्हापांगु मुँज्या च्वनेत्यंगु खँ आयोगया दुजः मल्ल के. सुन्दरं नेपालमण्डलयात कनादिल । आयोगया अध्यक्ष मदुगुलिं न्हापांगु मुँज्याय् देवनागरी वर्णानुक्रम कथं आयोगया दुजः मल्लया (कृष्ण सुन्दर मल्ल)या हे नायसुइ च्वनेत्यंगु खः । आयोगया न्हापांगु मुँज्या जुगुलिं गथेंयाना न्ह्यावनेगु व कार्यविधि गज्याःगु जुइ धाइगु विषयस सहलह केन्द्रित जुइगु खँ मल्लं धायदिल । मुँज्याया संयोजन व माःगु व्यवस्थापन संस्कृति व संघीय मामिला मन्त्रालयया सचिव दिनेशहरि अधिकारीं यानाच्वनादीगु दु ।
