ईलोहं प्रकाशनया कौला ज्याझ्वः क्वचाल
येँ (सन्ध्या टाइम्स) / प्रचलित नेपाल लिपि लय्पौं 'लिपिपौ' नीन्यागू ल्याः व नेपाल भाषाया साहित्यिक निलापौ 'नःलि'या नीप्यंगू ल्या पिदंगु लसताय् म्हिगः आशासफू कुथी छगू कौला ज्याझ्वः जुल ।
उगु कौला ज्याझ्वलय् नियमित रुपं च्वसु च्वयाच्वंपिं हिमेश बज्राचार्य कृष्ण स्यस्यः व विजयरत्न असंबरेपिंत नेपालभाषा केन्द्रीय विभागया पुलांम्ह नायः व च्वमि नर्मदेश्वर प्रधान प्राज्ञ प्रतापमान शाक्य व नेवाः देय् दबूया नायः नरेश ताम्रकारिपंसं लुमन्ति चिं लःल्हाःगु खः ।
इलोहं प्रकाशनया प्रबन्ध निर्देशक नरेशवीर शाक्यं लसकुस यानाः न्ह्याःगु उगु ज्याझ्वलय् भाजु शाक्यं ईलोहं प्रकाशनं न्हापा याना वयाच्वंगु ज्या व आः थःपिंसं ज्वनागु उद्देश्यया बारे ध्वाथुइकादीगु खः ।
ज्याझ्वलय् आपालं नेपालभाषाया कार्यकर्ता व च्वमिपिंसं ब्वति काःगु खः ।
