एमाले केन्द्रीय समितिया बैठक कन्हय्तक्कया नितिं स्थगित
नेकपा (एमाले)या बुधवाः निसें न्ह्याःगु केन्द्रीय समितिया बैठकं वर्तमान सरकारयात राजीनामा बियाः राष्ट्रिय सरकारया नितिं मार्ग प्रसस्त यायेत इनाप याःगु दु । शुक्रवाःया बैठकं नायः झलनाथ खनालया राजनीतिक प्रस्ताव पारित याःगु दु ।
नायः खनालया राजनीतिक प्रतिवेदनय् राजनीतिक दलतय्गु दथुइ जूगु लिपांगु न्ह्यगू बुँदे सहमतिं सरकार नीस्वनेगु इलय् जूगु प्यंगू बुँदे सहमतियात विस्थापन याःगुलिं वर्तमान सरकारं राजीनामा बियाः राष्ट्रिय सरकारया नितिं मार्ग प्रसस्त यायेमाःगु न्ह्यथनातःगु खः । बैठकय् झिंन्ह्यम्हसिया केन्द्रीय दुजःतय्सं नायःया राजनीतिक प्रतिवेदन दथुइ थःथःगु बिचाः तःगु खः ।
अथेहे मंसिर २३ गतेनिसें क्वःछिउगु राष्ट्रिय प्रतिनिधि परिषदया बैठक चीकेगु-मचीकेगु विषयलय् धाःसा कन्हय्या बैठकय् सहलह यायेगु केन्द्रीय दुजः लालबाबु पण्डितं जानकारी बियादिल । बैठक कन्हय् झिंछताः इलय् पार्टी मू ज्याकू बल्खुइ च्वनीगु जानकारी बिउगु दु ।
