कांग्रेसया बैठक देउवा पक्षधरं बहिष्कार

नेपाली कांग्रेस केन्द्रीय समितिया शुक्रवाः च्वने धयातःगु बैठक नं देउवा पक्षधर नेतातय्सं बहिष्कार याःगु दु । थ्व स्वयाः न्ह्यः नं केन्द्रीय समिति बैठक बहिष्कार याःगु देउवा पक्षं शुक्रवाःया बैठक नं बहिष्कार याःगु खः ।

देउवा पक्षया बहिष्कारया कारण थ्व स्वयाः न्ह्यः कोरम मगानाः कांग्रेस केन्द्रीय समितिया औपचारिक बैठक च्वनेमपूगु खः । बैठक झिंछताः ईया निंतिं सःतूगु जूसां स्वघौ लिबाक्क न्ह्याःगु जूसां नं बैठकं महत्वपूर्ण निर्णय यायेमफूगु श्रोतया धापू दु । पार्टी सभापतिं भातृ संगठन विघटनया विषयलय् न्वंमवागुलिं बैठकय् ब्वति कायेगुया छु नं औचित्य मदुगु देउवा पक्षं जानकारी बिउगु दु ।