बमया हल्लां अग्नी एयरया उडान प्रभावित

विराटनगर विमानस्थलय् उडानया निंतिं तयारी यानाच्वंगु अग्नी एयरया जहाजय् बम तयाःतःगु एसएमएस वयेवं अनया फुक्क उडानत अवरुद्ध जूगु दु । बुकिङ कर्मचारी विष्णु दुलालया मोबाइलय् बम दुगु एसएमएस वयेवं विहीवाः न्हिनय् १२ बजेया फुक्क उडान दीकेमाःगु अग्नी एयरं जानकारी बिउगु दु । बम तयाःतःगु धायेवं मालेगु ज्या न्ह्याकूगु खःसां उकिइ छु नं मलूगु धाःगु दु । प्रहरीं एसएमएस छ्वयाः हःगु ल्याः व मनूया बारे अनुसन्धान न्ह्याकूगु दु । विमानस्थल प्रहरीया डीआईजी नारायण बास्कोटां ग्याःचिकु न्यंकेत बम तयाःतःगु हुइना भुइना याःसां नं अथे जुइमफइगु दाबी यानादिल ।