सभासद् ढुंगेलयात आः हे माफी बिइमते
माओवादी सभासद् बालकृष्ण ढुंगेलयात आममाफी मबिइत सर्वोच्च अदालतं अन्तरिम आदेश बिउगु दु । सभासद् ढुंगेलया मुद्दाया सुनुवाई यासें सर्वोच्च अदालतया विशेष इजलासं माफी बिइगु सरकारी सिफारिस मुद्दाया लिपांगु खँ क्वःमछिइकं कार्यान्वयन मयायेत अन्तरिम आदेश बिउगु खः । न्यायाधीशपिं कल्याण श्रेष्ठ, सुशीला कार्की व कमल नारायण दासया विशेष इजलासं थज्याःगु निर्णय याःगु खः । उज्जनकुमार श्रॆष्ठया तता सावित्री श्रेष्ठं कार्तिक २७ गते दायर याःगु रिटय् सुनुवाई यासें सर्वोच्चं थज्याःगु आदेश बिउगु खः ।
