आमरण अनसन थौं नं निरन्तर
द्वन्द्वपीडित सेना-प्रहरी राष्ट्रिय संघर्ष समितिं सोमवाःनिसें न्ह्याकूगु आमरण अनसन बुधवाः स्वन्हुया दिं नं निरन्तरता बिउगु दु । थःपिंसं छक्वःपतिकं सरकारया ध्यानाकर्षण यातं नं थःपिनिगु मागयात कयाः छुं नं न्वमवाःगु धासें उपिं अनिश्चितकालिन अनसनय् च्वंगु खः ।
सशस्त्र द्वन्द्वया इलय् जागिर त्वःताः बिस्युंवंपिं उमिसं वंगु कात्तिक २७ गतेनिसें येँय् चरणवद्ध धर्ना व जुलुस यानाः वयाच्वंगु खः । सतक विभाग न्ह्यःने अनसनय् च्वंपिं उमिसं थःपिनिगु माग पूमवंतल्ले अनसन मत्वःतेगु धाःगु दु । थःपिनिगु माग पूमवंत्तले संघर्ष न्ह्यानाच्वनिगु समितिया संयोजक सूर्यबहादुर घिमिरें धयादिल ।
द्वन्द्वया कारण जागिरपाखें विस्थापित जूपिंत निशर्त पुनर्वहाली लिसे छेँबुँ मदुगु कारण क्षतिपूर्ति कथं प्रति छेँया न्यागू लख बिइमाःगु उमिगु माग याःगु दु । जागिरपाखें विस्थापित जूपिं सेना प्रहरीतय्त पुनर्वहाली मजूतल्ले लच्छिया झिंन्याद्वः भत्ता बिइमाःगु माग नं उमिसं याःगु दु ।
