बसया थक्करं छम्ह सित

यलया लगंख्यलय् बसया थक्करपाखें बुधवाः सुथय् छम्ह मनू सीगु दु । बा.१ ख २८३७ ल्याःया बसं थक्कर बियाः कालेश्वर गाविस स्थायी ठेगाना व थौंकन्हय् चापागांसं च्वनाः वयाच्वंम्ह नीदँया टीकाराम गोले घटनास्थलय् हे सीगु खः ।घटनालिपा बसयात नियन्त्रणय् काःगु व बिस्युं वनाच्वंम्ह चालकयात मालेगु ज्या न्ह्यानाच्वंगु यल ट्राफिक प्रहरी निरीक्षक नविन अधिकारीं जानकारी बिउगु दु ।