अध्यक्ष बिना हे राज्य पुनर्संरचना आयोग नीस्वन
सरकारं च्याम्ह दुजः दुगु राज्य पुनर्संरचना आयोग नीस्वनेगु दु । प्रमख स्वंगु दल व मधेसी मोर्चा दथुइ च्वंगु मुँज्याय् आयोगया अध्यक्षय् सहमति मजुइवं अध्यक्ष बिना हे सरकारं पुनर्संरचना आयोग गठन याःगु खः । आयोगया अध्यक्षय् सहमति मजूतल्ले बर्णानुक्रम कथं दुजःतय्सं पालंपा अध्यक्षता यायेगु सहमति धाःसा राजनीतिक दलतय्सं याःगु दु । सहमति कथं मुँज्याया संयोजन संस्कृति लिसे संविधानसभा मन्त्रालयया सचिवं याइ ।
आयोगया दुजःलय् माओवादींपाखें मल्ल के. सुन्दर व स्टेला तामाङ, नेपाली कांग्रेसया सिफारिसय् रमेश ढुंगेल व सावित्रा गुरुङ, एमालेपाखें सर्वदेव खड्का व यॊगेन्द्र झा व मधेसवादी दलतय् सिफारिसय् कृष्ण हाथेछु व सुरेन्द्रकुमार महतो ल्यःगु दु । मधेसी जनअधिकार फोरम गणतान्त्रिक या नाय जेपी गुप्तां आयोगया अध्यक्ष पदय् माओवादीं बाहेकया दलं प्रा. कृष्ण खनालया नां प्रस्तावित याःगु खःसां माओवादीं धाःसा आयोगया अध्यक्ष जनजाति हे जुइमाःगु अडान तयेवं आयात अध्यक्ष हे मतयेगु विकल्पय् दलत थ्यंगु धयादिल ।
