जग्गा लित काःवःपिंत ख्यानाः छ्वयेगु थापाया ख्याच्वः
एकीकृत नेकपा (माओवादी)या महासिचव रामबहादुर थापा 'बादलं' संविधानपाखें भूमिसुधारया व्यवस्था मयातल्ले कब्जा यानातःगु छेँबुँ लित बिइमफइगु खँ धयादीगु दु ।
विराटनगर विमानस्थलय् सञ्चारकर्मीपिंलिसे खँल्हाबंला यानादिसें महासचिव थापां वैकल्पिक व्यवस्था व भूमिहीन किसानतय्गु निंतिं भूमिया संवैधानिक ग्यारेण्टी मजूतल्ले जग्गा लित कायेत वइपिंत ख्यानाः छ्वयेगु ख्याच्वः नापं बियादिल । पार्टीया निर्देशन कथं हे नायः पुष्पकमल दाहाल 'प्रचण्डं' बर्दियाय् वैकल्पिक व्यवस्थालिपा जक कब्जा जग्गा लित बिइगु धाःगु नेता थापां दाबी यानादिल । पार्टीदुने बहस व विवाद सामान्य जूगु धयादिसें महासचिव थापां बहसपाखें हे फुक्क खँया समाधान जुइगु बिचाः प्वंकादिल ।
उगु हे झ्वलय् पार्टी सचिव सीपि गजुरेलं वाम पार्टीत दथुइ संयुक्त मोर्चाया आवश्यकता दुगु धयादिल ।
