उपप्रधानमन्त्री नारायणकाजी चीन भ्रमणय्
चीनया प्रधानमन्त्री वन जिया बाओया नेपाः भ्रमणया बारे औपचारिक रुपं खँल्हाबंला यायेत उपप्रधान लिसे परराष्ट्रमन्त्री नारायणकाजी श्रेष्ठ 'प्रकाश' मंगलवाः चीन वंगु दु । गुम्ह दुजः दुगु पुचःया नेतृत्व यानाः वय्कः मंगलवाः सनिलय् वेइजिङ्ग वंगु खः । चीनया कम्युनिष्ट पार्टीया नेतातलिसे नापलानाः परराष्ट्रमन्त्री श्रेष्ठं चीनया अधिकारीया नेपाः भ्रमणया एजेण्डात क्वःछिइगु धाःगु दु । वइगु डिसेम्वर २० तारिख निसें चीनया प्रधानमन्त्रीं नेपाःया भ्रमण यायेगु धाःसां नं उकिया औपचारिक घोषणा जुइधाःसा ल्यंदनि । भ्रमणया झ्वलय् नेपालं चीन समक्ष भौतिक परियोजना निर्माण, जलविद्युत क्षेत्रय् लगानी व सुरक्षा ग्वाहालिया विषयलय् प्रस्ताव तइगु धाःगु दु ।
