द्वन्द्वपीडित सेना-प्रहरी अनसनय्
झिदँया द्वन्द्वया इलय् जागिर त्वःता बिस्युंवंपिं सेना-प्रहरीया पुचः द्वन्द्वपीडित सेना-प्रहरी राष्ट्रिय संघर्ष समितिं थःपिनिगु मागया बारे सरकारं बेवास्ता याःगु धासें आमरण अनसन न्ह्याकूगु दु । थःपिंत जागिरय् पुनर्वहाली यायेमाःगु माग यानाः वंगु कार्तिक २७ गतेनिसें उमिसं चरणवद्ध धर्ना जुलुस याना वःगु खः ।
उमिसं उच्च स्तरीय छानबिन आयोग नीस्वना वास्तविक द्वन्द्वपीडितया निष्पक्ष छानविन यायेमाःगु माग सम्बोधन मजूगु धाःगु दु । येँया बबरमहल स्थित सडक विभाग न्ह्यःने समितिं न्ह्याकुगु आमरण अनसनय् द्वन्द्वपीडित सेना व प्रहरीया दुजःत राजकुमार कामती, सोमराज गौतम, दिनेशकुमार सिंह, टायमप्रसाद निरौला, प्रदीप दाहाल लगायतपिनिगु ब्वति दुगु खः । छवाःतक्क याःगु आन्दोलनपाखें नं सरकारं माग पूरा मयाःगु धासें समितिं मंसिर ४ गते आमरण अनसन लगायतया संघर्षया थप ज्याझ्वःया घोषणा याःगु खः ।
