'जनगुनासोयात याकनं सम्बोधन यानादिसं'
प्रधानमन्त्री डा. बाबुराम भट्टराईं नेपाल सरकारया सचिव, सुरक्षा अंगया पदाधिकारी लिसें संस्थानया प्रमुखतय्त नागरिकया जनगुनासोयात कया याकनं ज्या यायेत निर्देशन बियादीगु दु । प्रधानमन्त्री भट्टराईं सोमवाः सिंहदरवारय् जूगु सहलह ज्याझ्वलय् याकनं जनगुनासोयात सम्बोधन यायेत निर्देशन बियादीगु खः ।
थ्व स्वयां न्ह्यः प्रधानमन्त्री लिसे मन्त्रिपरिषद्या सचिव लिलामणि पौडेलं हेलो सरकारपाखें झिंखुन्हुया दुने देय्या थीथी थाय्या नागरिकतपाखें वःगु जनगुनासो बारे प्रधानमन्त्रीयात जानकारी बियादीगु खः ।
