राष्ट्रपति व सभामुख दथुइ खँल्हाबंला
राष्ट्रपति डा. रामवरण यादव व सभामुख सुभाषचन्द्र नेम्वाङ दथुइ आइतवाः सनिलय् खँल्हाबंला जूगु दु । प्रमुख राजनीतिक दलतय्गु दथुइ राज्य पुनर्संरचनाया विषयलय् विज्ञ समुहया पलेसा आयोग हे दयेकेगु निर्णय जुइधुंका सभामुख व राष्ट्रपतिया दथुइ राष्ट्रपति भवन शितल निवासय् नापलाय् ज्या जूगु खः । उगु इलय् राष्टपति यादवं राज्य पुनर्संरचनाया विषयलय् राजनीतिक व्यक्तितय्त स्वयां विज्ञतय्त समावेश यायेगु निंतिं सुझाव बियादीगु जानकारी सभामुख नेम्वाङं बियादिल । अथेहे खँल्हाबंलाया झ्वलय् राष्टपति यादवं प्रमुख दलतय्गु दथुइ जूगु सहमति कार्यान्वयनय् नं बः बियादीगु खः ।
