माओवादी पाखें आन्दोलन घोषणा
राष्ट्रपति विरुद्धया संकल्प प्रस्ताव सदनय् सहलह मयाकेगु जुइवं माओवादीं आन्दोलनया घोषणा याःगु दु ।
आइतवाः सुथय् च्वंगु माओवादी सचिवालय्या बैठकं नागरिक सर्वोच्चताया निंतिं धासें देययंक आन्दोलन यायेगु ज्याझ्वत सार्वजनिक याःगु दु । माओवादीं सार्वजनिक याःगु ज्याझ्व कथं २० गते बुधवाः देया न्ह्यय्न्याःगु हे जिल्लाया जिल्ला प्रशासन ज्याकूथी निघौ धरणा व घेराउ यायेगु, २१ गते निसें ३१ गते तक देययंकया जनवर्गीय संगठन टोकन हड्ताल यायेगु व जुलुस पिकायेगु निर्णय याःगु दु ।
अथेहे, बैठकं देययंकया दक्वं गाविस व नगरपालिकाय् विरोद्ध ज्याझ्वत क्वछीत मोहन वैद्यया संयोजकत्वय् छगू समिति गठन याःगु दु । बैठकं व्यवस्थासपिका संसदय् संकल्प प्रस्ताव सहलह यायेत मयंकाः अधिनायकवादी चरित्र प्रदर्शन याःगु नं ठहर याःगु दु । बैठकय् व्यवस्थापिका संसदया बैठक बहिस्कार यानाःतुं च्वनेगु निर्णय जूगु खँ माओवादी प्रवक्ता दिनानाथ शर्मा जानकारी बियादिल ।
