विधुत प्राधिकरण न्ह्यःने धर्ना
नेपाल विद्युत प्राधिकरण अन्तर्गत थीथी ज्याकुथिइ ज्या यानाच्वंपिं ज्यालादारी कर्मचारीतय्सं थःत स्थायी यायेमाःगु माग यानाः प्राधिकरणया मू लुखाय् आइतवाः प्यघौ धर्ना बिउगु दु । नेपाल विद्युत प्राधिकरण ज्यालादारी केन्द्रीय संघर्ष समितिं प्राधिकरण सञ्चालक समितिया वंगु भदौ २६ गते च्वंगु बैठकं ज्यालादारी कर्मचारीतय्त चीकेगु धकाः याःगु निर्णय याकनं खारेज यायेमाःगु, अन्तर्राष्ट्रिय श्रमिक ऐन लागू यायेमाःगु लगायतया मागलिसे आइतवाः सुथय् ९ बजेनिसें न्हिनसिया १ बजे तक धर्ना बिउगु खः ।
