म्याद थपया पक्षय् मतदान यायेत कांग्रेसया ह्वीप
संविधानसभाया म्याद खुलाया निंतिं तनेगु प्रस्तावं सरकारं संसदय् दर्ता याकूगु अन्तरिम संविधानया संशोधन प्रस्तावया पक्षय् मतदान यायेत नेपाली कांग्रेसं थः सभासद्तय्त ह्वीप जारी याःगु दु । वंगु कार्तिक १५ गते दलतय्गु दथुइ जूगु न्ह्यगू बुँदे सहमतिया कार्यान्वयन पक्षयात स्वयाः जक ई तनेगु विषयलय् निर्णय कायेगु धयाः वयाच्वंगु कांग्रेसं वइगु विहीवाः च्वनीगु बैठकय् थः सभासद्तय्त अनिवार्य ब्वति कायेत व प्रस्तावया पक्षय् मतदान यायेत धयातःगु खः ।
कांग्रेस संसदीय दलं आइतवाः पिथंगु विज्ञप्तीइ नेपाःया अन्तरिम संविधान २०६३ या झिंछगूगु संशोधन प्रस्ताव धारा ६४सं संशोधन यानाः स्वदँ व खुलाया धइगु खँग्वःया पलेसा प्यदँया धइगु खँग्वः तयेगु व उगु हे दिं पारित यायेगु ज्याझ्वः दुगुलिइ अनिवार्य ब्वति कयाः संशोधन प्रस्तावया पक्षय् मतदान यायेत निर्देशन बिउगु खः ।
संसद बैठक मंसिर ८ गते विहीवाः सुथय् झिंछताः इलय् च्वनेत्यंगु दु ।
