द्वलंद्वः नेवाःत सतकय् कुहांवल
जेठ १८ गते नेपालमण्डल बन्दया झ्वलय् थौं येँय् ग्वसाः ग्वःगु जुलुसय् द्वलंद्वः नेवाःत सतकय् कुहां वयाः ऐक्यबद्धता क्यंगु दु । येँया बसन्तपुलिं न्ह्याःगु जुलस येँय् थीथी थाय् चाःहिलाः क्वचाःगु खः । जुलुस नेवाः स्वायत्त राज्य मंकाः संघर्ष समितिया आव्हानय् जूगु खः ।
येँ महानगरपालिकाय् नेपालभाषा जनकपुर नगरपालिका व धनुषा जिविसय् मैथिली भाषायात मान्यता ब्यूगु निर्णय यात २०५६ सालं सर्वोच्च अदालतं ब्यूगु निषेधात्मक आदेश ब्यूगु दिन जेठ १८ गतेया दिं लाकाः कंस सोमवाः नेपालमण्डल बन्द जुइत्यंगु खः । बन्दया आव्हानकर्ता नेवाः स्वायत्त राज्य मंकाः संघर्ष समितिं नेपालमण्डलय् नेवाः जातिय स्वशासन सुनिश्चित यायेमाःगु काठमाडौं उपत्यका शहरी विकास विधयेक खारेजीया निंतिं व्यापक सः ल्हनाच्वंगु दु । समितिं सोमवाःया बन्द ताःलाकेत सकसितं आव्हान याःगु दुसा प्रचारात्मक ज्याझ्वः तिव्र गितं न्ह्याकूगु दु ।
बन्दया पूर्व सन्ध्या कन्हय् थाय्थासय् मशाल जुलुस यायेगु ज्याझ्वः तयातःगु दु ।
(किपा - राजेश तण्डुकार)
