छक्वलं ४५० म्ह प्रहरी निरीक्षकया सरुवा
करिब निदँ त्या न्ह्यःनिसें मजूगु प्रहरी इन्स्पेक्टरतय्गु सरुवाया अन्यौलता त्वाःथलाः प्रहरी मू ज्याकुिथं थौं छक्वलं प्यसः व न्यय्म्ह प्रहरी निरीक्षकतय्गु सरुवा याःगु दु । प्रहरी मू ज्याकुिथं प्रहरी निरीक्षकया थुलि तःधंगु ल्याखय् याःगु हिलाबुला थ्व हे न्हापांगु खुसिइ खः । थ्व स्वयाः न्ह्यः पूर्व प्रहरी महानिरीक्षक हेमबहादुर गुरुङया इलय् करिब प्यसः निरीक्षकतय्गु सरुवाया तयारी जूसां नं उिकं लिपांगु रुप कायेमखंगु खः । प्रहरी मू ज्याकू स्रोतया कथं याकनं याकनं जुइगु सरकार हिउपाःया कारण प्रहरी निरीक्षकतय्गु सरुवाय् लिबानाः वनाच्वंगु खः ।
तत्कालिन गृहमन्त्री बामदेव गौतमया इलय् प्रहरी निरीक्षकय् जूगु सरुवालिपा आःतक्क सरुवा जुइमफुनीगु खः । मू ज्याकुिथं थुगुसी धाःसा छक्वलं करिब न्ह्यसः प्रहरी निरीक्षकया सरुवाया तयारी क्वचायेकाः थौं न्हापांगु सूची सार्वजनिक याःगु धाःगु दु । छुं िदंलिपा हे हाकनं मेगु सुची सार्वजनिक यायेगु तयारी प्रहरी मू ज्याकुिथं जानकारी ब्यूगु श्रोतं न्ह्यःथंगु दु । माओवादी नेता कृष्णबहादुर महराया इलय् हे सरुवाया लिपांगु लिष्ट तयार जूसां नं गृहमन्त्री गच्छेदारं उकिइ असहमति क्यनेवं नां हिलाबुलाः यानाः आः सार्वजनिक याःगु श्रोतं जानकारी ब्यूगु खः । प्रहरी सरुवाय् धेबाया चलखेल जुइगु जूगुिलं थुगुसीया सरुवाय् आपालं हे धेबाया चलखेल जूगु जुइपुूगु धाःगु दु ।
