माओवादी संसदीय बोर्डया बैठक क्वचाल
राज्य पुनःसंरचनाया निितं विज्ञतय्गु पुचः नीस्वनेगु विषयलय् पार्टीइ खनेदुगु विवाद समाधानया कुतः कथं माओवादी संसदीय बोर्डं छु नं निर्णय यायेमफयेवं जनजाति सभासद्तलिसे सहलह यानाः क्वःछीगु सहमति जूगु दु । िसंहदरबारस्थित संसदीय दलया ज्याकुथिइ च्वंगु बैठकं जनजाति सभासदतय्गु समूह ककस लिसे सहलह यानाः लिच्वलय् थ्यंकेगु निर्णय काःगु माओवादी केन्द्रीय दुजः यशोदा सुवेदीं जानकारी बियादिल । वैठकय् माओवादी नायः दाहालं जनजाति सभासदतलिसे सहलह यायेगु व उकीपाखें पिकाइगु लिच्वः स्वंगू दललिसे सहलह यानाः छगू निर्णय पिकाइगु धयादीगु खः ।
थ्व स्वयाः न्ह्यः स्वंगू दल बैठकपाखें पारित अन्तरिम संविधान संशोधनया भाषाया विषयलय् सहमति चूलाकेगु कुतः याःगु खः । वैठकय् प्रधानमन्त्री लिसे माओवादी न्वकु बाबुराम भट्टराईं स्वंगू दलया वैठकं पास याःगु कार्यादेशलिसेया टिओआरयात पास यानाः वनेबलय् ब्यागलं मजुइगु बिचाः तःगु माओवादी पोलिटब्युरो दुजः विश्वभक्त दुलालं जानकारी बियादिल । वैद्य पक्ष लगायत आपालं जनजाति सभासद्त राज्य पुनसर्ंरचना समिितं तयार याःगु प्रतिवेदन हिलेपुगु धासें उकिया क्षॆत्राधिकार किटान यानाः जक विज्ञ समूह नीस्वंके बीगु अडानय् दु । विज्ञ समूहं राज्य पुनस्रंरचना समितिया मातहतय् च्वना प्राविधिक ज्या जक याकेबी माःगु उमिगु धापू खः ।
थ्वहे दथुइ राज्य पुनस्रंरचनाया निितं बिज्ञ समूहयात शक्तिशाली दयेकेत्यंगु धासें थौं थीथी पार्टी सम्बद्ध जनजाति संगठनतय्सं संबिधान सभा भवन न्ह्यःने न्हिच्छि धइथे प्रदर्शन याःगु खः । राज्य पुनसर्ंरचना समितिया प्रतिबेदनयात बेवास्ता यानाः बिज्ञया न्हूगु समिति दयेकेत्यंगु धासें उमिसं िसंहदरबार न्ह्यःने न्हिच्छि प्रदर्शन याःगु खः । संविधान सभा राज्य पुनस्रंरचना विशेषज्ञ समितिया विरोध भारतलिसे जूगु विपा सम्झौता खारेजी लिसे मंसिर १४ दुने हे संविधान पिथनेत दवाब कथं प्रदर्शन याःगु जातीय स्वायत्तता व संघीयताया निितं संयुक्त गठबन्धनया नायः रामिसं लामां धयादीगु खः । उमिसं छुं ई न्ह्यः येँय् मसाल जुलुस नापं पिकाःगु खः । येँया लुँहितिनिसें पिकाःगु मसाल जुलुस रत्नपार्कया शान्ति वाटिकाय् थ्यंकाः कोणसभाय् हिउगु खः । जातीय स्वायत्तता व संघीयताया निितं संयुक्त गठबन्धनय् नेपाः राष्ट्रिय पार्टी संघीय लोकतान्त्रिक राष्ट्रिय माच राष्ट्रिय जनमुक्ती पार्टी आदिवासी जातीय - क्षेत्रीय महासंघ लगायतया पार्टीत आबद्ध दुगु खः ।
