गरिबीयात कयाः न्ववायेगु नितिं रोजगारी ज्याझ्वः

प्रधानमन्त्री डा. बाबुराम भट्टराईं द्वन्द्वया प्रमुख कारण गरिबी जूगु धयादिसें गरिबीतय्गु दथुइ न्वंवायेगु नितिं रोजगारीया ज्याझ्वः हयेमाःगु धयादीगु दु । गरिबी निवारण कोषया स्वीच्याक्वःगु बैठकय् थौं न्ववानादिसें वय्कलं गरिबी म्हो यायेगु दिशापाखे ज्या मयाःसा द्वन्द्वया दीर्घकालिन समाधान यायेमफइगु धयादीगु खः ।

गरिबी म्हो यायेगु दिशापाखे ज्या यायेमफुसा दीर्घकालिन शान्ति प्राप्त जुइमफइगु नं प्रधानमन्त्री भट्टराईया धापू खः । वय्कलं गरिबी निवारणं आःया ज्याझ्वः तयार यायेबलय् श्रमिक व गरिबीया अवस्थायात कयाः न्ववायेगु कथं क्वःछीमाःगु सुझाव बियादिल । गरिबी निवारण कोषं आः थीथी थीथी पीगू जिल्लाय् थःगु ज्याझ्वः न्ह्याकाच्वंगु दु । आः झिगू जिल्ला तनाः न्यय्गू जिल्लाय् ज्याझ्वः न्ह्याकेगु तयारी कोषं याःगु दु ।