किसानतय्सं जग्गा लित मबीगु

अखिल नेपाल किसान महासंघ क्रान्तिकारीं प्यंगू दलं याःगु छेँ बुँ लित बिइगु विषयसं न्ह्यगू बुँदे सहमतियात पालना मयायेगु धाःगु दु ।

मंगलबाः येँय् महासंघं छगू पत्रकार सम्मेलन ग्वसाः ग्वयाः थःगु बिचाः सार्वजनिक याःगु खः । पत्रकार सम्मेलनय् उगु संस्थाया न्वकु ठाकुरप्रसाद चापागाईं न्ह्यगू बुँदाय् दुगु छेँ बुँ लित बिइगु निर्णय जनघाती जूगु ठहर जूगुलिं आम किसानतय्त बिना विकल्प कब्जा यानातःगु छेँ बुँ लित मबीत इनाप याःगु दु ।

वय्कलं सरकारं प्रशासन छ्वयाः जबरजस्ती लित बीकेत वःसा किसानतय्सं प्रतिरोध यायेगु ज्याभmवलय् थःपिं जनताया पक्षय् दनेगु खँ नापं न्ह्यःथंगु खः ।