सेना समायोजन प्रक्रियापाखें ब्यागलं जुइत वैद्य पक्षया इनाप
एकीकृत नेकपा माओवादीया वरिष्ठ न्वकु मोहन वैद्य पक्षं सेना समायोजन प्रक्रियापाखें ब्यागलं जुइत जनसेनायात इनाप याःगु दु । वरिष्ठ न्वकु मोहन वैद्य व मूछ्याञ्जे रामबहादुर थापां मंगलवाः संयुक्त विज्ञप्ती पिकयाः जनसेनायात सेना समायोजन प्रक्रियापाखें ब्यागलं जुइत इनाप यानादीगु खः ।
'विशेषतः सेना समायोजन सम्बन्धि संझौता सारतः जनमुक्ति सेनाया नितिं तसकं अपमानजनक व शान्ति विरोधी नापं जूगुलिं जिपिं स्वाभिमानी जनमुक्ति सेनाया कमाण्डरलिसे फुक्क योद्धातय्त थुगु कथंया आत्मसमपर्णवादी प्रक्रियापाखें पूर्ण रुपं ब्यागलं जुइत दुनुगलं इनाप यानाः'- न्वकु वैद्य व मूछ्याञ्जे थापापाखें पिकाःगु विज्ञप्तीइ न्ह्यःथनातःगु खः ।
माओवादीया वैद्य - बादल समूहं कार्तिक १६ गते पत्रकार सम्मलेन यानाः लिपांगु खुसिइ स्वंगू प्रमुख दल व संयुक्त मधेसी मोर्चा दथुइ जूगु न्ह्यगू बुादे सहमतिप्रति असन्तुष्टी दुगु जानकारी ब्यूगु खः ।
