राज्य पुनर्संचनाय् खेलवाड मयायेत संस्कृति मन्त्रीया इनाप
संस्कृति मन्त्री गोपाल किरातीं राज्य पुनर्संरचनाया विषय गम्भीर जूगुलिं राजनीतिक दलतय्सं थुकि खेलवाड यायेमजिउगु खँ धयादीगु दु । वय्कलं थुगु विषययात गम्भीरताबोध यानाः फुक्कसिनं कायेमाःगु धयादिसें थुकि खेलवाड मयायेत नं इनाप यानादिल ।
माझी राष्ट्रिय मुक्ति मोर्चा नेपालं पिथंगु माझी भाय्या खँग्वःगु धुकुया उलेज्या यानादिसें माओवादी पोलिटब्यूरो दुजः नापं जुयादीम्ह संस्कृति मन्त्री किरातीं झिदँया जनयुद्धं आवजबिहीनतय् सः अभिव्यक्त याःगु धयादिल । वय्कलं अज्याःगु वर्गया भावनायात दुथ्याकाः राज्यया पुनर्संरचना यायेमाःगु धयादिल ।
राज्य पुनर्संरचनाबारे स्वंगू दलं याःगु सहमति हे पाय्छि जूगु धयादिसें हानं आयोग गठनया माग तयाः विरोध यायेगुया औचित्य मदुगु धयादिल ।
