ढुङगेल निर्दोष जूगु माओवादीया दावी
हत्याया अभियोग लाम्ह माओवादी सभासद् बालकृष्ण ढुङगेल निर्दोष जूगु दावी माओवादी ओखलढुंगां याःगु दु । सभासद् ढुंगेलया मुद्दा मन्त्रिपरिषदं लितकायेगु निर्णयया विरुद्ध प्रतिपक्षी दलत आक्रामक जुइवं माओवादी ओखलढुंगां शनिवाः माओवादी मू ज्याकू पेरिसडाँडाय् पत्रकार सम्मेलन यानाः ढुङगेल निर्दोष जूगु दावी याःगु खः ।
माओवादी ओखलढुंगाया सचिव रामकुमार कार्कीं युद्धया इलय् पार्टीया हे योजना कथं उज्जनकुमार श्रेष्ठया हत्या जूगु खुलासा नं यानादिल । वय्कलं द्वन्द्वकालया मुद्दा हानं लितहयाः संसदवादी दलतय्सं माओवादीयात बदनाम यायेत स्वःगु द्वपं नं बियादिल ।
