पुलांपिं प्रहरी प्रमुखतय् मुद्दा हानं सुनुवाई यायेत आदेश

भ्रष्टचारया द्वपं लाम्ह पुलांपिं प्रहरी महनिरिक्षकत अच्यूतकृष्ण खरेल व मोतिलाल बोहराया मुद्दा हानं सुनुवाई यायेत सर्वौच्च अदालतं निर्देशन बिउगु दु । उमिगु मुद्दा विशेष अदालतं हद म्याद मजुइगु धासें खारेज याःगु खः । सर्वौच्च अदालतया प्रधानन्यायधीश खिलराज रेग्मी व कल्याण श्रेष्ठया मंकाः इजालसं शुक्रवाः विशेष अदालतया आदेशयात उल्टा यानाः मुद्दा खारेज याःगु खः । सर्वोच्चं विशेष अदालतं बिउगु आदेशय् गाक्क आधार मदुगु धासें हानं सुनुवाइ यायेत धाःगु दु ।