सतक व संसदं प्रतिरोध यायेगु कांग्रेसया ख्याच्वः
नेपाली कांग्रेसं हत्याया द्वपं लाम्ह माओवादी सभासद् बालकृष्ण ढुङगेलया सजाय मिनाहा यायेगु सरकारया निर्णय लित मकासाः उकिया विरुद्ध सतक व संसदपाखें हे प्रतिरोध यायेगु ख्याच्वः ब्यूगु दु ।
नेपाली कांग्रेस संसदीय दल कार्यसमितिया शुक्रवाः च्वंगु मुँज्यां सभासद् ढुङगेलया मुद्दा लित कायेगु सरकारया निर्णयया विरोध याःगु दु । नेपाली कांग्रेस संसदीय दलया प्रवक्ता नवीन्द्रराज जोशीं सभासद् ढुङगेलया सजाय माफी बिइगु विषय जनता व शान्ति प्रक्रियाया भावना व विधिया शासन अःख जूगुलिं सरकारं थ्व सम्बन्धी निर्णय याकनं लित मकासाः सशक्त रुपय् विरोध यायेगु धयादिल । जोशीं जम्वो मन्त्रिमण्डल दयेकाः प्रधानमन्त्रीं थःगु 'खोक्रो आर्दश'यात उजागर याःगु द्वपं नं बियादिल ।
