स्वनिगःयात प्लाष्टिक मुक्त क्षेत्र दयेकेगु अभियान सुरु
एक्सनएडया ल्याम्ह सञ्जाल एक्टीभिष्टां स्वनिगलय् प्लाष्टिकया झोला छ्यलाबुलायात न्यूनिकरण यायेत जनचेतना मूलक अभियानया घोषणा याःगु दु । शुक्रवाः रिपोटर्स क्लब नेपालय् याःगु छगू पत्रकार सम्मेलनया ग्वसाःग्वःया उगु संस्थां अभियानया घोषणा याःगु खः । अभियान अर्न्तगत शुक्रवानिसें मंसिर ७ गतेतक्क येँय् न्यागू राष्ट्रया निछम्ह ल्याम्ह पुचलं 'पालो अब झोला बोक्ने हामी पुस्ताको' धइगु नारालिसे स्वनिगलय् प्लाष्टिक न्यूनिकरण अभियान न्ह्याकीगु खँ धाःगु दु । अभियानय् म्यानमारया स्वम्ह, डेनमार्कया न्याम्ह, अफगानिस्तानया छम्ह, बंगलादेशया स्वम्ह व नेपाःया गुम्ह ल्याम्हतय् पुचः दुथ्यागु जानकारी नं उगु पत्रकार सम्मलेनय् बिउगु खः ।
