जनजाति महासंघया निक्वःगु राष्ट्रिय भेला सुरू

नेपाल आदिवासी जनजाति महासंघया निक्वःगु राष्ट्रिय भेला विहीवाःनिसें सिन्धुपाल्चोकया सदरमुकाम चौताराय् न्ह्याःगु दु । महासंघ आवद्ध थीथी संस्था व खुइच्यागू जिल्ला समन्वय परिषद्पाखें करिब प्यसः स्वयां अप्वः प्रतिनिधि, पर्यवेक्षकतय्सं भेलाय् ब्वति काःगु दु । 'आदिवासी जनजातिया इनाप - आदिवासी जनजातिया अधिकार सुनिश्चित जूगु न्हूगु संविधान' धइगु नारालिसे न्ह्याःगु भेलाया संविधानसभाया नायः सुभाषचन्द्र नेम्वाङं उलेज्या यानादीगु खः । उलेज्या न्ह्यः आदिवासी जनजातितय्सं थीथी भेषभुषालिसे सिन्धुपाल्चोकया सदरमुकाम चौताराय् परिक्रमा नापं याःगु खः ।