लुम्बिनी विकासय् ग्वाहालि यायेत मुन तयार
संयुक्त राष्ट्रसंघया महासिचव वान की मुनं लुम्बिनी विकासया निंतिं थःम्हं फक्व ग्वाहालि यायेगु बचं बियादीगु दु ।
बृहत्त लुम्बिनी विकास राष्ट्रिय निर्देशक समितिया संयोजक लिसे माओवादी नायः पुष्पकमल दाहाल 'प्रचण्ड'लिसेया नापलाये ज्याय् मुनं लुम्बिनीया विकासया निंतिं अन्तर्राष्ट्रिय कमिटीया नेतृत्वया निंतिं थः तयार दुगु धयादीगु खः । वय्कःपिं दथुइ अमेरिकाया न्यूयोर्कय् खँल्हाबंला जूगु खः ।
नापलाय् ज्याय् मुनं गौतम बुद्धया जन्मस्थल लुम्बिनी नेपाःया निंतिं जक मजुसें फुक्क बौद्ध धर्मवालम्बीतय्गु धरोहरया रुपय् विकास यायेमाःगु बिचाः तयादीगु खः ।
माओवादी नायः प्रचण्डया नेतृत्व छगू पुचः वंगु १९ गते लुम्बिनीयात अन्तर्राष्ट्रिय शान्ति शहरया रुपय् विकासया निंतिं बुद्धया जन्मस्थल लुम्बिनीया प्रचार – प्रसारया निंतिं अमेरिका वंगु खः ।
