त्रिसुलीइ ट्रक कुतुंवनाः स्वम्ह सित
चितवनया दारेचोक-४य् बुधवाः सुथय् छगः ट्रक त्रिसुली खुसिइ कुतुंवनाः स्वम्ह मनूत सीगु दु । सीपिं मध्ये धनुषाया ५०दँया उमेश्वर यादवया जक सनाखत जूगु दुसाः ल्यं दुपिं निम्हसिया सनाखत जुइफुनी ।
नारायणगढपाखें मुग्लिनपाखें वनाच्वंगु ना. २. ख. ६९७१ नम्बरया ट्रक सतकपाखें करिब सच्छि व न्यय्गू मिटर क्वय् कुतुंवनाः निम्ह घटनास्थलय् हे व छम्ह वासः यायेगु झ्वलय् भरतपुरय् सीगु खः । दुर्घटनाय् लानाः छम्ह बेपत्ता जूगु दु । मेपिं निम्ह बांमलाक्क घाःपाः जूगु जिल्ला प्रहरी ज्याकू चितवनं जानकारी ब्यूगु दु । घाःपाः जूपिं चितवन कठारया सन्तोष सुनार व नवलपरासीया जीवन विकया कलेज अफ मेडिकल साइन्सेज भरतपुरय् वासः जुयाच्वंगु दु ।
