सार्क सम्मेलनय् ब्वति कायेत प्रम माल्दिभ्स प्रस्थान
प्रधानमन्त्री डा. बाबुराम भट्टराई सार्क शिखर सम्मलेनय् ब्वति कायेत मंगलवाः माल्दिभ्सपाखे झायादीगु दु । प्रधानमन्त्री भट्टराई झिंछम्ह दुजः दुगु पुचःया नेतृत्व यासें मंगलवाः सनिलय् उखेपाखे झायादीगु खः । सार्क शिखर सम्मेलन बुधवाः व विहीवाः निन्हुतक्क माल्दिभ्सया राजधानी मालेसं जुइत्यंगु दु ।
सम्मेलनय् सार्क बैंक, प्राकृतिक प्रकोपया इलय् तत्कालिन उद्दार, सार्क अनुरुप मूल्याङ्कन, बहुपक्षिय व्यवस्था व क्षेत्रिय मानक कार्य योजना सम्बन्धी सहमति पत्रय् ल्हाःचिं तयेगु ज्या जुइगु ज्याझ्वः दु । शिखर सम्मेलनय् गरीवि निवारण, आर्थिक सहकार्य, सार्क विकास कोष, खाद्य सुरक्षा नेटवर्क, ऊर्जा, जलवायु परिवर्तन लगायत मुख्य विषयलय् सहलह जुइगु ज्याझ्वः नं दु । परराष्ट्रमन्त्री नारायणकाजी श्रेष्ठ नापं पराराष्ट्र मन्त्रालयया कामु सचिव दुर्गाप्रसाद भट्टराईलगायतया पुचः धाःसा सार्क स्थायी समितिया बैठकय् ब्वति कायेत सोमवाः हे माल्दिभ्स थ्यंकूगु खः । प्रधानमन्त्री भट्टराई वइगु आइतवाः स्वदेश लिहां झाइगु ज्याझ्वः दु ।
