कोरम मगायेवं पुनःस्थापना सम्बन्धी प्रस्ताव पास जुइमफुत
माओवादी लडाकूया समायोजन व रेखदेख नापं पुनःस्थापनाया निंतिं नीस्वंगु सेना समायोजन विशेष समितिया मंगलवाःया मुँज्याय् समिति सचिवालयं तयार याःगु पुनःस्थापना सम्बन्धी प्रस्ताव पेश याःगु दु । सेना समायोजन विशेष समितिया मुँज्याय् बहुमत दुजःया अनुपस्थिति जुइवं समिति सचिवालयं तयार याःगु उगु प्रस्ताव पास धाःसा जुइमफुत । गुम्ह दुजः दुगु समितिया मंगलवाःया मुँज्याय् प्रधानमन्त्री डा. बाबुराम भट्टराई, अर्थमन्त्री वर्षमान पुन व एमाले नेता भीम रावलया जक ब्वति दुगु खः । समितिया न्याम्ह दुजः धाःसा विदेश भ्रमणय् दु । आः उगु प्रस्ताव प्रधानमन्त्री सार्क शिखर सम्मेलनपाखें लिहांवयेधुंकाः जक अनुमोदन याइगु समिति दुजः लिसे अर्थमन्त्री वर्षमान पुनं जानकारी बियादिल ।
