नेपालगञ्जय् बम विष्फोट जुया छम्ह सित

नेपालगञ्ज १२ बाँकेगांया छखा छेँय् सकेट बम विष्फोट जुया छम्ह मनू सीगु दुसा मेपिं निम्ह मनूत घाःपाः जूगु दु । बम मुयाः रामबाबु कस्यप सीगु खः । मंगलवाः सुथय् ७:१५ बजे जूगु विष्फोटय् लानाः स्वम्ह घाःपाः जूगु खःसा इमित भेरी अञ्चल अस्पतालय् वासः यायेगु निंतिं यंकाच्वंगु इलय् रामबाबु सीगु प्रहरीं जानकारी ब्यूगु खः । बिष्फोटय् लानाः शालिकराम कश्यप व बब्लु मौर्य घाःपाः जूगु खः । उमिगु भेरी अञ्चल अस्पतालय् वासः जुइमफयेवं भारतया लखनउलय् यंकूगु दु । विष्फोट जूगु छेँय् प्रेमबहादुर शाहया जूगु खँ प्रहरीं धाःगु दु । सकेट बम दयेकेगु झ्वलय् विष्फोट जूगु जानकारी बाँकेया प्रहरी उपरिक्षक उदय तामाङं बिउगु दु । घाःपाः जूपिनि ल्हाः, तुति, छ्यनय् व म्हय् घाः लाःगु दु । सकेट बम सुनां व छाय् दयेकूगु खः धइगु विषयलय् धाःसा आःतक्क छु नं सीमदुनीगु खँ प्रहरीं धाःगु दु ।