संकल्पया विवाद
यें (सन्ध्या टाइम्स) / माओवादीं सदनय् हयेत्यंगु संकल्प प्रस्ताव हयेके बी मखु धकाः आः एमालें नं निर्णय याःगु दु । थ्व स्वयां न्ह्यः कांग्रेसं जक उकिया विरोध यानाच्वंगु खः ।
उखे सरकारयात समर्थन याःगु नेपाः राष्ट्रिय पार्टीं धाःसा उगु संकल्प प्रस्ताव सदनय् हयेके बीमाः धाःगु दु । 'सन्ध्या टाइम्स'लिसे खँ ल्हासें पार्टी अध्यक्ष डा. केशवमान शाक्यं प्रस्ताव हे हयेके बी मखु धायेगु लोकतान्त्रिक मान्यता कथं मिले मजू धासें उकी सहलह जुइमाःगु बिचाः प्वंकादिल ।
