मन्त्रिपरिषद् विस्तार /न्हय्म्ह मन्त्री व झिंगुम्ह राज्यमन्त्री थप
प्रधानमन्त्री डा. बाबुराम भट्टराईं मंगलवाः खुक्वःगु खुसिइ मन्त्रिपरिषद् विस्तार यानदीगु दु । वय्कलं न्हय्म्ह मन्त्री व झिंगुम्ह राज्यमन्त्री थप यानाः मन्त्रिपरिषद् विस्तार यानादीगु खः ।
न्हूगु विस्तारित मन्त्रिपरिषद्य् माओवादीपाखें खुम्ह मन्त्री जूगु दुसाः चिधंगु पार्टीपाखें छम्ह मन्त्री थप याःगु दु । माओवादीपाखें शिक्षाय् स्थायी समिति दुजः नापं प्रवक्ता दीनानाथ शर्मा, पोलिटव्यूरो दुजः लोकेन्द्र विष्ट मगरयात पर्यटन तथा नागरिक उड्डयन, भीमप्रसाद गौतमयात भूमिसुधार तथा व्यवस्था, रामकुमार यादव सामान्य प्रशासन, कल्पना धमला विज्ञान तथा प्रविधि व सत्य पहाडीयात शान्ति तथा पुनःनिर्माण मन्त्रालयया जिम्मेवारी बिउगु दुसाः चिधंगु दलपाखें सदभावना आनन्दीदेवीया सरिता गिरीयात श्रम तथा यातायात मन्त्रालयया जिम्मा बिउगु दु । न्हूपिं मन्त्रीतय्त प्रधानमन्त्री भट्टराईं राष्ट्रपतिया उपस्थितिइ राष्ट्रपति भवन शितलनिवासय् सपथ ग्रहण याकादीगु खः ।
उखे झिंगुम्ह राज्यमन्त्रीतय्त प्रधानमन्त्रीं सिंहदरवारस्थित थःगु हे कार्याकक्षय् पद तथा गोपनीयताया सपथ याकादीगु खः । राज्यमन्त्रीइ सूर्यमान दोङ उर्जा, लीला भण्डारी शिक्षा, धनश्याम यादव स्थानीय विकास, दिलिप महर्जन पर्यटन, गोपी अछामी युवा तथा खेलकुद, हरि खेवा लिम्बु अर्थ, ज्वाला साह भूमिसुधार तथा व्यवस्था, सुनिता महतो सामान्य प्रशासन, सुषमा शर्मा संघीय मामिला, संविधानसभा तथा संस्कृति व विष्णुप्रसाद चौधरीयात वाणिज्यया जिम्मेवारी बिउगु दु ।
अथेहे भीमराज चौधरी गृह, रामवच्चन अहिर यादव रक्षा, लक्ष्मण महतो वन, दुर्गादेवी महतो वातावरण, काशीदेवी झा कानुन, ईश्वरदयाल मिश्र भौतिक योजना तथा निर्माण, अरविन्द्र साह महिला बालबालिका तथा समाजकल्याण व रमणि रामयात सिञ्चाई मन्त्रालय बिउगु दु ।
