चीन विरोधी गतिविधि जुइमबीगु प्रमया प्रतिबद्धता
प्रधानमन्त्री डा. बाबुराम भट्टराईं नेपालय् चीन विरोधी गतिविधि जुइमबीगु प्रतिबद्धता प्वंकादीगु दु ।
चीनया कम्युनिष्ट पार्टीया पोलिटव्युरो दुजः लिउ चीया नेतृत्वय् नेपाः वयाच्वंगु नीम्ह दुजः दुगु पुचःलिसे सोमवाः खँल्हाबंला यायेगु झ्वलय् प्रधानमन्त्री भट्टराईं तिब्बती शरणार्थीया गतिविधि बारे थःपिं संवेदनशील दुगु धयादिल । उगु इलउय् चीनलिसे नेपाःया न्हापांनिसें दुगु स्वापू, चीनया सुरक्षा सम्बेदनशीलता व चीनया उच्चस्तरिय पुचःया नेपाः भ्रमण बारे प्रधानमन्त्रीलिसे खँल्हाबल्हा जूगु प्रधानमन्त्रीया प्रेस सल्लाहकार रामरिझन यादवं जानकारी बियादिल ।
चीनया शक्तिशाली नेता मध्येया छम्ह लिउं नेपाः भ्रमणया झ्वलय् राष्ट्रपति डा. रामवरण यादव, संविधानसभाया नायः सुभाषचन्द्र नेम्वाङ लगायत थीथी राजनीतिक दलया नेतातय्त नापलाय्गु ज्याझ्वः दु ।
