सुनसरीइ गाडी दुर्घटनाय् खुम्ह सित
सुनसरीया मधेशाय् सोमवाः सुथय् यात्रुबहाक बस व माइक्रो ठक्कर नयाः खुम्ह सीगु दुसाः झिंनिम्ह घाःपा जूगु दु । पूर्व पश्चिम राजमार्ग अन्तर्गतया उगु सतक खण्डय् विराटनगरं वयाच्वंगु ना. ३. ख. ३१४१ नम्बरया बस व इनरुवां वयाच्वंगु को. १. च. ९३० नम्बरया मोइक्रो ठक्कर नःगु खः ।
दुर्घटनाय् लानाः मधेशा-५या रत्नबहादुर विष्ट, डम्बरकुमारी कार्की व बीरबहादुर कटुवाल व भादगाउँ सिनवारी-५या रजीया मल्लिक सीगु दु । सीपिं निम्हेसिया नां धाःसा सीकेमफुनीगु खँ धाःगु दु । सीपिं फुक्कं माइक्रोबसय् सवार यात्रुत खः ।
अथेहे घाःपा जूपिं झिंनिम्ह मध्ये न्याम्हेसिया सुनसरी, प्यम्हेसिया विराटनगर व स्वम्हेसिया धरनाय् उपचार जुयाच्वंगु दु ।
