एभरेष्ट म्याराथुन पुर्बां त्याकल
यें (सन्ध्या टाइम्स) / अन्तर्राष्ट्रिय सगरमाथा दिवस विश्वन्यंकं थीथी ज्याझ्वः यानाः न्यायेकल । सगरमाथा दिवसया झ्वलय् थौं सुथय् पर्यटन बोर्डं नसंचा हुलेगु ज्या नं यात । सन् १९५३ या थौं न्हि कुन्हे हे तेन्जिङ नोर्ग शेर्पा व सर एडमन्ड
हिलारीं न्हापांखुसी सगरमाथाया च्वकाय् पलाः तःगु खः ।
उखे थ्वहे लसताय् सगरमाथाय् हे थौं सुथय् जूगु तेन्जिङ्ग-हिलारी एभरेष्ट म्याराथुन कासाय् नेपाःया पुर्बा तामाङ्ग न्हाप लाःगु दु । २१ दँ दुम्ह तामाङ्गं ३ घण्टा ४० मिनेट ४७ सेकेण्डय् दौड पूवंकाः कासा त्याकादीगु खः । तामाङ्ग थगुने जूगु थ्वहे कासाय् लिउ लाःगु खःसा थुगुसी न्हाप लाकाः सिरपाः त्याकूगु खः । थौं सुथय् ७ बजे नाम्चें उगु दौड शुरु जूगु खः गुगु सगरमाथाया बेस क्याम्पय् थ्यंकाः क्वचाइ । हाइ अल्टिच्युटय् ब्वाँय् वनेग थ्व थाकुगु कासा अन्तर्राष्ट्रिय रुपं नांजाः ।
