दोलखाय् फिस्टेल हेलिकप्टरया आकस्मिक अवतरण
सोलुखुम्बुं लुक्लाया निंतिं ब्वःगु फिस्टेल एअरया हेलिकप्टरं दोलखाय् आकस्मिक अवतरण याःगु दु । सोमवाः सुथय् ७ बजे न्याम्ह रसियन नागरिकत ज्वनाः ब्वःगु हेलिकप्टरया ल्यूने च्वंगु पंखाय् प्राविधिक समस्या वयेकवं दोलखाया सदरमुकाम चरिकोटय् आकस्मिक अवतरण याःगु खः । हेलिकप्टरया मर्मत यायेत येँ नं प्राविधिक पुचः उखेपाखे वंगु दुसाः उगु हेलिकप्टरय् सवार पर्यटकत गाडीं येँ वःगु दु ।
