संवैधानिक समितिं विज्ञ समिति दयेकेगु प्रस्ताव अनुमोदन
संविधानसभा अन्तर्गतया संवैधानिक समितिं राज्य पुनर्संरनाया विवाद ज्यंकेगु निंतिं विज्ञयतय् समिति नीस्वनेगु प्रस्तावयात अनुमोदन याःगु दु ।
संवैधानिक समितिया शनिवाः सुथय् च्वंगु मुँज्यां विवाद समाधान उपसमितिं याःगु प्रस्तावयात अनुमोदन याःगु खः । ताः ईया विवाद लिपा शुक्रवाः च्वंगु विवाद समाधान उपसमितिं विज्ञतय् समिति नीस्वनेगु बारे सहमति याःगु खः ।
उगु सहमति लिपा हे सरकारं उगु प्रस्ताव अनुमोदन यानाः संसद सचिवालयय् दर्ता याःगु खः । सरकारयापखें कानून मन्त्री बृजेशकुमार गुप्ता व संविधानसभा मन्त्री गोपल किराँतीं अन्तरिम संविधानया धारा १३८ (२) संशोधन यायेत अन्तरिम संविधानयात झिंछक्वःगु खुसिइ संशोधन यायेगु प्रस्ताव दर्ता याःगु खः ।
