राष्ट्रसंघपाखें दलत दथुइ जूगु सम्झौतायात लसकुस
संयुक्त राष्ट्रसंघं प्रमुख राजनीतिक दलत दथुइ जूगु न्हय्गू बुँदे सम्झौतायात लसकुस याःगु दु । सम्झौतायात लसकुस यासें राष्ट्रसंघं नेपाःया शान्ति व संविधान निर्माण प्रक्रियाय् थःपिनिगु निरन्तर ग्वाहालि दइगु खँ धाःगु दु ।
राष्ट्रसंघया महासचिव वान कि मुनया प्रवक्तां छगू प्रेस विज्ञप्ति पिथनाः दलत दथुइ सेना समायोजन व पुनस्थानापना नापं शान्ति व संविधानया विषयस जूगु सहमतिं महासचिव उत्साहित जूगु खँ न्ह्यथनातःगु दु ।
विज्ञप्तिइ न्हय्गू बुँदे सम्झौता यायेगु निंतिं थीथी राजनीतिक दलया नेतात मिले जुयाः न्ह्याःवंगु खँ न्ह्यथनेवहः जूगु धासें अज्याःगु मेलमिलापयात अझ बल्लाकूसें सम्झौता कार्यान्वयन यायेत बः बिउगु दु ।
